ԱՄՆ հատուկ ծառայությունը բերման է ենթարկել Օբամայի դստերը առաջարկություն արած տղամարդուն
ԱՄՆ գաղտնի ծառայության աշխատակիցները, ում պարտականությունների մեջ է մտնում նաեւ նախկին նախագահների եւ նրանց ընտանիքների անվտանգության ապահովումը, բերման են ենթարկել 30-ամյա տղամարդու, ով համառորեն հետապնդում էր Բարակ Օբամայի ավագ դստերը՝ Մալիային։
Ինչպես հաղորդում է «New York Daily News»-ը` Ջեյր Նիլթոն Կարդոսոն բառիս բուն իմաստով աղջկան հանգիստ չի տալիս։ Վերջերս նա նույնիսկ գոռացել է՝ խնդրելով Մալիային ամուսնանալ իր հետ։
Բերման ենթարկվածի հետ զրույցից հետո Գաղտնի ծառայության աշխատակիցները եկել են այն եզրակացության, որ նա հոգեկանի հետ լուրջ խնդիրներ ունի։
Բացի այդ, պարզվել է, որ նախկինում Կարդոսոն բազմիցս փորձեր է արել անօրինական կերպով ներխուժել Սպիտակ տուն։ Դեռեւս տղամարդուն որևէ պաշտոնական մեղադրանք չի առաջադրվել։