Ֆրանսուա Ֆիյոն․ Ես նույնպես ապրիլի 24-ին կհարգեմ Հայոց ցեղասպանության զոհերի հիշատակը
Իմ ընտրվելու դեպքում ես, իմ նախորդների նման, նույնպես մտադիր եմ ապրիլի 24-ին հարգել Հայոց ցեղասպանության զոհերի հիշատակը։ Այս մասին Nouvelles d'Arménie–ին տված հարցազրույցում ասել է Ֆրանսիայի նախագահի թեկնածու Ֆրանսուա Ֆիյոնը։
Նա նշել է, որ կարեւոր է չմոռանալ այն պատճառների մասին, որոնք հանգեցրել են Օսմանյան կայսրության ժամանակաշրջանում Փոքր Ասիայի տարածքում հայերի անհետացմանը։ Նրա խոսքով Ֆրանսիայի հայերը ցանկանում են այդ օրը նշել երկրի պաշտոնական օրացույցում, «որպեսզի այդ օրը ներկա լինի այն մյուս օրերի կողքին, երբ մենք հարգում ենք Ալժիրյան պատերազմի ու այլ հակամարտությունների զոհերի հիշատակը։ Ֆրանսիայի հայերի ցանկությունը օրինական է»։