Մեքսիկայում պատահաբար կախվել է Հուդային մարմնավորող դերասանը
Մեքսիկայի Տանսիտարո քաղաքում մահացել է Հուդայի դերակատարը։ 23-ամյա դերասանը մասնակցում էր Զատիկին նվիրված ներկայացմանը։
Փորձելով պատկերել Քրիստոսին մատնած աշակերտի ծառից կախվելու տեսարանը՝ տղամարդը սայթաքել է, շուռ է տվել հենարանը եւ կախվել օդում։
Ըստ «The Daily Mail»-ի տեղեկատվության՝ նրա կողքին գտնվող մարդիկ փորձել են վերջինիս վերակենդանացնել։ Այնուամենայնիվ, հիվանդանոց տանելու ճանապարհին երիտասարդը մահացել է։
2012 թվականին նման ողբերգական դեպք էր տեղի ունեցել Բրազիլիայում, որտեղ պատահաբար խեղդվել էր թատրոնի դերասանը, ով կրկին Հուդային էր մարմնավորում։