ԱՄՆ բնակիչը արդեն 29 տարի փորձում է հարկային ծառայությանը ապացուցել, որ ինքը ողջ է
Մինեսոտայի բնակիչ Ադամ Ռոնինգը 29 տարի շարունակ պայքարի մեջ է հարկային ծառայության հետ՝ որպես ողջ հաշվառվելու իր իրավունքի համար,– հաղորդում է «Fox News»-ը։
1987 թվականին Ռոնինգի մորը հաղորդել են, որ նա այլեւս չի կարող իր չորսամյա որդու համար գումար ստանալ, քանի որ համակարգում խափանում է եղել, եւ որդին այժմ որպես մահացած է հաշվառված։
Հաջորդ տարիներին ընտանիքը անընդհատ վեճերի եւ պայքարի մեջ է անցկացրել այն ծառայությունների հետ, որոնք հրաժարվում են փոխել ամերիկացու կարգավիճակը եւ վերադարձնել չվճարված հարկերը։
Ընտանիքին չի օգնել նաեւ ԱՄՆ ֆինանսների նախարարության հատուկ նամակը, որը հաստատում է, որ տղան ողջ է։