Կիեւում ձերբակալել են Ինտերպոլի կողմից՝ ահաբեկչության մեջ կասկածվող ռուս կնոջը
Կիեւի Բորիսպոլ օդանավակայանում ուկրաինացի սահմանապահները բերման են ենթարկել ռուս կնոջ, ով Ինտերպոլի կողմից միջազգային հետախուզման մեջ է եղել՝ ահաբեկչական գործունեություն կազմակերպելու կասկածանքով։
Այս մասին հաղորդում են Ուկրաինայի պետական սահմանապահ ծառայությունից։
Գերատեսչության տվյալներով՝ 30–ամյա ռուս կինը Ուկրաինա է ժամանել Հորդանանից, չորս անչափահաս երեխաների հետ՝ փախստականի կարգավիճակ ստանալու նպատակով։
Նա կասկածվում է Ռուսաստանի ՔՕ 205 հոդվածի երկրորդ մասով իրականացված հանցագործությունների մեջ («Ահաբեկչական կազմակերպության գործունեության կազմակերպում եւ մասնակցություն նման կազմակերպության մեջ»)։
Սահմանապահները կնոջը հանձնել են Ազգային ոստիկանության աշխատակիցներին։