Լոնդոնում ԱՄՆ-ի դեսպանատունը որպես ահաբեկչի հարցաքննել է երեք ամսական երեխային
Մեծ Բրիտանիայի մայրաքաղաք Լոնդոնում ԱՄՆ-ի դեսպանատան աշխատակիցները ահաբեկչության կասկածանքով հարցաքննության են կանչել երեք ամսական երեխային։ Պատճառը Ֆլորիդա մեկնելու համար վիզայի հարցաթերթիկը լրացնելիս նրա պապիկի թույլ տված սխալն է եղել, հաղորդում է The Guardian-ը։
Հարցաթերթիկը լրացնելիս տղամարդը սխալմամբ «այո» է պատասխանել այն հարցին, թե արդյոք նրա թոռը կապ ունի ահաբեկչական գործունեության հետ։ Դրանից հետո երեխային հարցաքննության են կանչել։
«Ես չէի կարողանում հավատալ, թե իրենք չեն տեսել, որ դա պարզապես սխալ է, եւ որ երեք ամսական երեխան չի կարող ոչ ոքի վնաս պատճառել», - ասել է 62-ամյա Փոլ Քենյոնը։
Նա նաեւ ասել է, որ իր թոռը հարցաքննության ընթացքում լաց չի եղել, ինչպես նաեւ մտորել դիվանագետների շրջանում հումորի բացակայության մասին։