Մանկավարժների ավելի քան 97%-ն իր աշխատանքն առողջության համար վնասակար է համարում
Ուսուցիչների համար նախատեսված բրիտանական TES կայքը հարցում է անցկացրել, որի արդյունքները ցույց են տվել, որ մանկավարժների մեծ մասն իր աշխատանքն առողջության համար վտանգավոր է համարում: Հարցվածների կարծիքով՝ դպրոցները ոչինչ չեն անում այս խնդիրը լուծելու համար: Այս մասին գրում է Life.ru-ն՝ վկայակոչելով tes.com-ը:
Հարցմանն ավելի քան 4.000 ուսուցիչ է մասնակցել: Նրանց շուրջ 97%-ը հայտարարել է, որ մանկավարժի աշխատանքը բացասաբար է ազդում ինքնազգացողության եւ արտաքինի վրա:
90%-ն ասել է, որ այդ աշխատանքը թույլ չի տալիս իրենց լավ ֆիզիկական վիճակում լինել, իսկ 81%-ը կարծում է, որ այն խանգարում է առողջ սննդով սնվել:
Բացասական հետեւանքների թվում հարցվածները նշել են մեծ ծանրաբեռնվածությունը, բավականաչափ ազատ ժամանակի բացակայությունն ու հոգնածությունը: