Ուկրաինա. Ռուսաստանն ինքն իրեն մեկուսացրեց Եվրատեսիլ–2017-ից
Կրեմլը մեկուսացրեց ռուս ժողովրդին Եվրատեսիլ–2017 ամենամյա երգի մրցույթին մասնակցությունից եւ զրկեց իր քաղաքացիներին նույնիսկ շոուն տեսնելու հնարավորությունից։ Այսպիսի կարծիք է հայտնել Ուկրաինայի փոխվարչապետ Վյաչեսլավ Կիլիլենկոն։
«Շոուին կմասնակցեն 42 երկրներ ոչ միայն Եվրոպայից, այլ աշխարհից։ Բայց մենք նաեւ գիտենք, որ միլիոնավոր ռուսներ, արբանյակային հեռուստատեսության եւ համացանցի շնորհիվ, անկախ Ռուսաստանի իշխանությունների կամքից, կնայեն մրցույթի հեռարձակումը Ուկրաինայից՝ Կիեւից»,– ավելացրել է Կիրիլենկոն։
Նրա խոսքերով` Կիեւում մրցույթի նախապատրաստությունները ուժեղացված տեմպերով են ընթանում։ Արդեն տեղադրում են հանդիսատեսի տրիբունաները, եւ գրեթե պատրաստ է գլխավոր բեմը։
«Եւս մի քանի յուրահատուկ բան կառաջարկի Ուկրաինան այս տարվա Եվրատեսիլում»,– նշել է փոխվարչապետը, սակայն մանրամասները չի բացահայտել։