Պորոշենկոն մեկնում է Լոնդոն
Ուկրաինայի նախագահ Պյոտր Պորոշենկոն ապրիլի 19–ին մեկնում է Մեծ Բրիտանիա,– հաղորդում է «Բի–բի–սի Ուկրաինան»։
Նա կմասնակցի «Chatham House» միջազգային հարաբերությունների թագավորական ինստիտուտի՝ «Ճակատամարտ Ուկրաինայի համար. առաջնորդություն եւ համերաշխություն» կոնֆերանսին։
«Նախագահ Պորոշենկոն կպատմի այն մարտահրավերների մասին, որոնց հետ բախվել է իր երկիրը, ինչպես նաեւ կհայտնի իր կարծիքը, թե կառավարման ինչպիսի ոճ է պետք Ուկրաինային, ինչպես ամրապնդել համերաշխությունը, վերականգնել խաղաղությունը, ամրապնդել եվրոպական անվտանգությունն ու աջակցել Ուկրաինայի տրանսֆորմացիային»,– ասվում է միջոցառման ազդագրում։