Իրանը երբեք չի կարողանա ստանալ միջուկային զենք
ԱՄՆ-ի եւ Մերձավոր Արեւելքում նրա դաշնակիցների դեմ շարունակվող ագրեսիայի գործողությունները չեն հուշում, որ այդ ազգը ձգտում է խաղաղության: Այդ մասին վարչապետ Բինյամին Նեթանյահուի հետ ճեպազրույցի ժամանակ հայտարարել է ԱՄՆ-ի ազգային անվտանգության հարցերով խորհրդական Ջոն Բոլթոնը, հաղորդում է Haaretz-ը:
Նրա խոսքով՝ Իրանը երբեք չի կարողանա ստանալ միջուկային զենք: Նեթանյահուն քննադատել է իրանյան միջուկային համաձայնագիրը՝ հայտարարելով, որ պատժամիջոցների չեղարկումը թույլ է տվել Իրանին անցկացնել սարսափի եւ ագրեսիայի արշավ ամբողջ տարածաշրջանում՝ ֆինանսավորելով եւ զինելով ահաբեկչական խմբավորումները:
Բոլթոնի խոսքով՝ Իրանը չպետք է դիտարկի ԱՄՆ-ի զգուշությունը որպես թուլություն: Նա նշել է, որ ոչ ոք Իրանին չի տվել Մերձավոր Արեւելքում «որսորդական արտոնագիր», հաղորդում է AP-ը: Բոլթոնը տեղեկացրել է, որ ԱՄՆ-ը կշարունակի կիրառել պատժամիջոցներ Իրանի դեմ, եւ իրեն իրավունք է վերապահում հարձակվել Իրանի վրա ավելի ուշ: Նա ընդգծել է, որ նախագահ Դոնալդ Թրամփը միայն հետաձգել է Իրանի ուղղությամբ հարվածները ներկա պահին:
Բոլթոնը ելույթ է ունեցել Երուսաղեմում նախքան Սիրիայի ապագայի մասին Իսրայելի, ԱՄՆ-ի եւ Ռուսաստանի ազգային անվտանգության հարցերով խորհրդականների եռակողմ հանդիպումը:
Դիվանագետը հայտնել է Haaretz-ին, որ դա համաշխարհային տերությունների աննախադեպ հանդիպում է Իսրայելում, որն ուղարկում է հզոր ազդանշան տարածաշրջանին եւ, հատկապես, մեր թշնամիներին: Ըստ նրա՝ հանդիպումը բազմաթիվ քաղաքական քայլերի գագաթնակետն է, որոնցից են Նեթանյահուի հանդիպումները նախագահներ Թրամփի եւ Պուտինի հետ:
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
Լուկաշենկոն խոսել է նախագահի պաշտոնից հեռանալու մասին
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...