Լիբանանում բերման է ենթարկվել սիրիացի չորս տղաների բռնաբարության մեջ կասկածվողը
Ոստիկանները ձերբակալվածի հեռախոսում հայտնաբերել են տղաներին բռնաբարելու տեսանյութը:
Լիբանանի իրավապահ մարմինները ձերբակալել են սիրիացի չորս տղաների բռնաբարության մեջ կասկածվողին։
Սիրիայի 45-ամյա քաղաքացին բերման է ենթարկվել Բեյրութից ոչ հեռու գտնվող՝ Golden Lili Resort & Spa հանգստյան տանը,– ասվում է Լիբանանի ԱԳՆ հաղորդագրության մեջ։
Բերման ենթարկվածը խոստովանել է, որ բռնաբարել է վեցից ինը տարեկան երեխաներին։ Ոստիկանները բռնաբարության տեսանյութը հայտնաբերել են ձերբակալվածի հեռախոսում։
Հիշեցնենք, որ Լիբանանում ապրում է ավելի քան միլիոն սիրիացի փախստական։ Փախստականների երեխաները հաճախ ստիպված են ընտանիքը պահելու համար աշխատել։ Վտանգը, որ երեխաները կարող են սեռական ոտնձգության օբյեկտ դառնալ, դեռեւս միշտ առկա է։
Top-News.am