Չինաստանը բացատրել է ՄԱԿ–ի Անվտանգության Խորհրդում Սիրիայի հարցով քվեարկությունից հրաժարվելու պատճառը
ՉԺՀ ԱԳՆ պաշտոնական ներկայացուցիչ Լու Կանը հայտարարել է Սիրիայի վերաբերյալ բանաձեւի նախագծում փոփոխություններ մտցնելու անհրաժեշտության մասին։ Չինացի դիվանագետի դիտողությունները հնչեցվել են Պեկինում՝ հերթական մամլո ասուլիսի ժամանակ։
«Չինական կողմը պնդում է, որպեսզի բանաձեւում փոփոխություններ մտցվեն։ Այդ պատճառով էլ Չինաստանը ձեռնպահ է մնացել քվեարկությունից»,– ընդգծել է չինացի դիվանագետը։
Լու Կանը նշել է, որ ժամանակավրեպ է Իդլիբում քիմիական զենքի կիրառման մեղքը գցել կառավարական ուժերի վրա՝ քանի դեռ չի ավարտվել հետաքննությունը։
«Մենք բազմիցս հայտարարել ենք, որ ՉԺՀ–ի համար ընդունելի չէ ցանկացած տեսակի, այդ թվում՝ քիմիական զենքի օգտագործումը խաղաղ բնակչության դեմ։ Նշանակված կազմակերպությունները պետք է մանրակրկիտ հետաքննեն Իդլիբի միջադեպը, ինչից հետո միայն համաշխարհային հանրությունը կկարողանա համապատասխան միջոցներ ձեռնարկել»,– ավելացրել է Լու Կանը։
Ինչպես ավելի վաղ էր հաղորդվել, Չինաստանի արտաքին քաղաքականության գերատեսչության ղեկավար Վան Ին կոչ էր արել Ռուսաստանին եւ ԱՄՆ–ին ակտիվացնել Սիրիայում իրավիճակի կարգավորման վերաբերյալ բանակցությունների գործընթացը։