Թիլերսոն. Ասադի ռեժիմը Սիրիայում իր ավարտին է մոտենում
Սիրիայում իրավիճակի վերաբերյալ Սպիտակ տան կարծիքը կայանում է նրանում, որ Բաշար Ասադի ռեժիմը Սիրիայում ավարտվում է, – հայտարարել է Ռեքս Թիլերսոնը՝ ՌԴ ԱԳ ղեկավար Սերգեյ Լավրովի հետ համատեղ ասուլիսի ժամանակ։
Թիլերսոնի խոսքերով՝ Ասադի ռեժիմը ավարտին է մոտենում իր վարքագծի եւ մի քանի տարի շարունակվող պատերազմի պատճառով։
«Մեր դիրքորոշումը կայանում է նրանում, որ Ասադի ռեժիմը մոտենում է իր ավարտին, նրանք իրենք են մեղավոր իրենց վարքով եւ բազմամյա պատերազմով»,– հայտարարել է Ռեքս Թիլերսոնը։
Ընդ որում, ԱՄՆ պետքարտուղարը իր ցանկություն է հայտնել, որ Ռուսաստանը «օգնի Ասադին հասկանալ այդ իրականությունը»։
Նշենք, որ Ռուսաստանի ԱԳՆ ղեկավար Սերգեյ Լավրովի եւ ԱՄՆ պետքարտուղար Ռեքս Թիլերսոնի հանդիպումը տեւել է հինգ ժամ։
ՌԴ նախագահ Վլադիմիր Պուտինի հանդիպումը Լավրովի եւ Թիլերսոնի հետ տեւել է երկու ժամ։