Հեյլի. Ռուսաստանը մեկուսացնում է իրեն աշխարհից՝ աջակցելով Ասադին
ՄԱԿ–ում ԱՄՆ մշտական ներկայացուցիչ Նիկի Հեյլին հայտարարել է, որ Ռուսաստանը մեկուսացնում է իրեն աշխարհից՝ աջակցություն ցուցաբերելով Սիրիայի նախագահ Բաշար Ասադին։
«Իմ գործընկերներին Ռուսաստանից. դուք մեկուսացնում եք ձեզ միջազգային հանրությունից ամեն անգամ, երբ Ասադի ինքնաթիռներից մեկը հերթական ռումբն է գցում խաղաղ բնակիչների վրա, եւ ամեն անգամ, երբ Ասադը փորձում է սովամահ անել եւս մեկ բնակավայր»,– ասել է Հեյլին։
Դիվանագետը եզրափակել է, որ վաղուց ժամանակն է, որ Ռուսաստանը դադարի աջակցել Սիրիայի նախագահին։
Ավելի վաղ Հեյլին հայտարարել էր, որ Վաշինգտոնը Մոսկվային հնարավորություն է տվել պահպանել իր դեմքը Սիրիայի քիմիական գրոհից հետո։