FT․ Դանիան մտադիր է փոխել օրենսդրությունը, որպեսզի արգելափակի Գազպրոմի գազատարը
«Դանիայի կառավարությունն ուզում է փոխել երկրի օրենքները, որպեսզի հնարավոր լինի արգելափակել դեպի Եվրոպա Ռուսաստանի առաջարկած գազատարը ։ Դա վկայում է տվյալ նախագծի կապակցությամբ ԵՄ-ի աճող տագնապի մասին»,- հայտնում է Financial Times-ը։
«Լարս Քրիստիան Լիլելհոլթը, Դանիայի էերգետիկայի նախարարը, FT-ին ասել է, որ դանիական կառավարությունն առաջարկում է օրինագիծ, որը թույլ է տալիս «Հյուսիսային հոսք 2»-ի նման նախագծերի նպատակահարմարությունը գնահատելիս հաշվի առնել արտաքին քաղաքական ու պաշտպանական նկատառումները»
«Բրյուսելի խոսքով «Հյուսիսային հոսք 2» նախագիծը հակասում է եվրոպական էներգետիկ նպատակներին՝ դիվերսիֆիկացնել գազի մատակարարումները, կրճատել Ռուսաստանից էներգետիկ կախումը ու ապահովել գազի մատակարարում Ուկրաինայի տարածքով, որը դեռ շատ մեծ կախում ունի առկա գազատարներով գազի տարանցման եկամուտներից», ասվում է հոդվածում։
«Այդուհանդերձ, ԵՀ-ին չի հաջողվում գտնել իրավաբանական հիմքեր՝ «Հյուսիսային հոսք 2»-ը կասկածի տակ դնելու համար»։