Զախարովա․ Թիլերսոնի հայտարարությունը ոչ թե վերջնագիր է, այլ մկանների ցուցադրություն
Ռուսաստանի ԱԳՆ-ի պաշտոնական ներկայացուցիչ Մարիա Զախարովան սիրիական կարգավորման հարցում Ռուսաստանի դիրքորոշման վերաբերյալ ԱՄՆ պետքարտուղար Ռեքս Թիլերսոնի հայտարարությունը վերջնագիր չի համարում, հայտնում է ՌԻԱ Նովոստին։
«Ես այն դիտարկում եմ որպես քաղաքական հայտարարություն, որպես մկանների ցուցադրություն բանակցությունները սկսելուց առաջ։ Դա միանգամայն համապատասխանում է Վաշինգտոնի մոտեցումներին»,- գնահատել է նա ԱՄՆ պետքարտուղարի հայտարարությունը։
Ավելի վաղ ԱՄՆ պետքարտուղար Ռեքս Թիլերսոնը հայտնել էր, որ Ռուսաստանը պետք է ընտրություն կատարի ԱՄՆ-ի ու Արեւմուտքի հետ եւ Սիրիայի նախագահ Բաշար Ասադի ու Իրանի հետ հարաբերությունների միջեւ։