Պեսկովը՝ Թրամփի դստեր մասին. Կրեմլը չի խառնվում այլ երկրների առաջնորդների ընտանեկան գործերին
Ռուսաստանի նախագահի մամլո խոսնակ Դմիտրի Պեսկովը հայտարարել է, որ Կրեմլը չի խառնվում այլ երկրների առաջնորդների ընտանեկան գործերին։ Այսպես նա պատասխանել է հարցին, թե ինչպես է Ռուսաստանի նախագահի ադմինիստրացիան վերաբերվում երկրների ղեկավարների բարեկամների մասնակցությանը քաղաքականության մեջ։
«Թրամփ զույգի ընտանեկան հարաբերությունները Կրեմլի խնդիրը չեն։ Կրեմլը շատ ուշադիր է վերաբերվում այն հարցին, որ չխառնվի այլ երկրների ներքին հարցերին, առավել եւս՝ այլ պետությունների առաջնորդների ընտանեկան հարցերին, եւ միշտ շնորհակալ է այդ հարցում փոխադարձության ադեկվատ դրսեւորման համար»,– ասել է Պեսկովը։
Հիշեցնենք, որ ԱՄՆ նախագահ Դոնալդ Թրամփի որդին՝ Էրիկը, պատմել էր, թե ինչպես է իր քույր Իվանկան ազդել հոր՝ անցյալ շաբաթ Սիրիայի օդային ռազմաբազայի վրա հրթիռային հարվածներ հասցնելու որոշման վրա։