Մելանյա Թրամփի ոճային տեսքը Լոնդոնի Winfield House-ում տրված հատուկ ճաշի ժամանակ (լուսանկարներ)

Պետական այցով Մեծ Բրիտանիայում գտնվող ԱՄՆ նախագահ Դոնալդ Թրամփն ու առաջին տիկին Մելանյա Թրամփը հունիսի 4-ի երեկոյան Լոնդոնում գտնվող Winfield House-ում ճաշել են Մեծ Բրիտանիայի գահաժառանգ արքայազն Չառլզի և նրա տիկնոջ՝ Քորնուելի դքսուհի Կամիլա Փարքեր Բոուլզի հետ:

Daily Mail-ը հատուկ ուշադրություն է դարձրել Մելանյա Թրամփի ապշեցուցիչ տեսքին՝ նշելով, որ ԱՄՆ առաջին տիկինը մատուցված հատուկ ճաշին է այցելել Givenchy բրենդի ավելի քան 5000 ֆունտ ստեռլինգ արժողության կարմիր երկարափեշ զգեստով:

Նախօրեին Միացյալ Նահանգների նախագահ Դոնալդ Թրամփը Բուքինգհեմյան պալատում հանդիպել էր թագուհի Էլիզաբեթ 2-րդի հետ, տիկնոջ հետ մասնակցել պալատում բարձրաստիճան հյուրերի պատվին մատուցված պետական ընթրիքին, որի ժամանակ Թրամփը հոտնկայս խմել է 93-ամյա միապետի կենացը:

Winfield House-ը Լոնդոնում գտնվող առանձնատուն է, որը կառուցվել է 1936 թվականին: 1955 թվականից այն համարվում է ԱՄՆ դեսպանի պաշտոնական կեցավայրը: