Անգելա Մերկելը եւ Թերեզա Մեյը Թրամփի հետ զրույցում սատարել են նրան
ԱՄՆ նախագահ Դոնալդ Թրամփի հետ զրույցում ԳՖՀ կանցլեր Անգելա Մերկելը եւ Բրիտանիայի վարչապետ Թերեզա Մեյը հավանության են արժանացրել սիրիական «Շայրաթ» օդային բազայի վրա ԱՄՆ հրթիռակոծությունը։ Այս մասին ասվում է Սպիտակ տան հաղորդագրության մեջ,– հաղորդում է Reuters-ը։
«Վարչապետ Մեյը եւ կանցլեր Մերկելը իրենց աջակցությունն են հայտնել Սիրիայում ԱՄՆ գործողություններին եւ ընդգծել են Սիրիայի նախագահ Բաշար Ասադին պատասխանատվության ենթարկելու հարցի կարեւորությունը»,– ասվում է հաղորդագրության մեջ։
Նշվում է, որ Թրամփը, Մեյը եւ Մերկելը պայմանավորվել են հետագայում էլ կապի մեջ լինել սիրիական հարցով։
Ավելի վաղ Պենտագոնի ղեկավար Ջեյմս Մետիսը հայտարարել էր, որ սիրիական օդային բազայի ուղղությամբ արձակված հրթիռաjin հարվածը վնասել է սիրիական ինքնաթիռների 20%-ին։