Շվեդիայի ոստիկանությունում վստահ են, որ ահաբեկչությունը կատարողին են ձերբակալել
«Մեծ վստահությամբ» կարելի է ասել, որ Ստոկհոլմում ահաբեկչությունն իրագործողը նախկինում ձերբակալված կասկածյալն է, հայտարարել են Շվեդիայի ոստիկանությունից: «Ես վստահ եմ, որ մենք կատարողին ենք ձերբակալել: Հիմա դատախազը սա պետք է ապացուցի դատարանում»,- հայտարարել է Շվեդիայի ազգային ոստիկանության ղեկավար Դան Էլիասոնը, փոխանցում է DW-ը:
Շվեդիայի մայրաքաղակում իրագործված ահաբեկչությունից հետո ձերբակալվել էր 39 տարեկան էթնիկ ուզբեկը, որը ահաբեկչության օրը, ոստիկանության կարծիքով, եղել է բեռնատարի ղեկին: