Կանադայի վարչապետը կոչ է արել խստացնել Ռուսաստանի նկատմամբ պատժամիջոցները
Կանադայի վարչապետ Ջաստին Տրյուդոն հայտարարել է, որ, Սիրիայում իրավիճակի հետ կապված, անհրաժեշտ է խստացնել հակառուսական պատժամիջոցները,– հաղորդում է Reuters-ը։
«Մենք պետք է մեր ընկերների հետ միասին աշխատենք, որպեսզի Ռուսաստանին լսելի դարձնենք մեր ձայնը` պատժամիջոցներով եւ այլ ձեւերով»,– ասել է նա։
Տրյուդոյի խոսքերով՝ միջազգային հանրությունը պետք է խստացնի պատժամիջոցները, որպեսզի ստիպի Ռուսաստանին դադարեցնել աջակցել Բաշար Ասադին։
Ավելի վաղ Մեծ Բրիտանիայի արտաքին գործերի նախարար Բորիս Ջոնսոնը հաստատել էր, որ G7-ի նախարարների հետ կքննարկի՝ Ասադին աջակցելու համար Ռուսաստանի նկատմամբ նոր պատժամիջոցներ կիրառելու հարցը։