Օսլոյի կենտրոնում ոստիկանները պայթեցրել են կասկածելի իրը
Օսլոյի ոստիկանությունից հաստատել են, որ Գրյոնլան շրջանում հայտնաբերված կասկածելի իրի պայթեցում են կատարել, հայտնում է VG պարբերականը:
«Հիմա չեմ կարող ասել, թե դա ինչ իր էր: Այն (պայթեցնելուց հետ) փոխանցվել է քրեագետներին, որոնք կհետազոտեն»,- ասել է ոստիկանության ներկայացուցիչ Սվեյ Արիլդ Յորունդլանդը՝ հավելելով, որ պայթյունի ձայնն ավելի բարձր էր, քան կարելի էր սպասել պայթեցնող տեխնիկների օգտագործած սարքի դեպքում:
«Իրը վնասազերծել են պայթեցնող տեխնիկները»,- նշված է Օսլոյի ոստիկանության Twitter-ում:
Ավելի վաղ լրատվամիջոցները հայտնել են, որ շրջափակված շրջանից բարձր թրխկոց են լսել: Ոստիկանության ներկայացուցչի խոսքով՝ եւս ինչ-որ ժամանակ է հարկավոր պայթյունի արդյունքը հետազոտելու համար, եւ առայժմ դժվար է ասել՝ արդյոք այդ իրը պայթուցիկ պարունակո՞ւմ էր: