«Ուկրտելեկոմը» դադարեցրել է Դոնբասի հաճախորդների սպասարկումը
REGNUM. Պաշտոնական Կիեւի վերահսկողությունից դուրս գտնվող Դոնեցկի եւ Լուգանսկի շրջաններում դադարեցվել է հեռախոսային կապի ծառայությունների մատուցումը եւ մուտքի հնարավորությունը համացանց։
Այս մասին գրված է «Ուկրտելեկոմ» կազմակերպության պաշտոնական էջում։
«Հեռահաղորդակցության ցանցի նկատմամբ վերահսկողության կորստի պատճառով դադարեցվել է հեռախոսային եւ ինտերնետային ծառայությունների մատուցումը պաշտոնական Կիեւի վերահսկողությունից դուրս գտնվող Դոնեցկի եւ Լուգանսկի շրաններում (ԼԺՀ եւ ԴԺՀ տարածքներում)»,– ասվում է հաղորդագրության մեջ։
Ինչպես ավելի վաղ հաղորդվել է, 2014 թվականի ապրիլին Ուկրաինայի տարածքում քաղաքացիական պատերազմ բռնկվեց այն բանից հետո, երբ Դոնեցկի եւ Լուգանսկի շրջանների բնակիչները չընդունեցին Կիեւում իրականացված պետական հեղաշրջումը։
Ուկրաինայի նոր իշխանությունները Դոնբասում հայտարարեցին «հակաահաբեկչական օպերացիայի» ռեժիմ եւ Ուկրաինայի զինված ուժերը ուղղվեցին տարածաշրջանի խաղաղ բնակիչների դեմ։
Top-News.am