Եվրահանձնաժողովը հաստատել է, որ 21st Century Fox –ն 14․5 մլրդ դոլարով գնել է բրիտանական Sky–ը
Եվրոպական հանձնաժողովը հաստատել է Ռուփերթ Մերդոքին պատկանող ամերիկյան 21st Century Fox ընկերության կողմից բրիտանական Sky հեռուստաընկերության գնման գործարքը՝ 14․5 մլրդ դոլար արժողությամբ, հայտնում է Reuters–ը։ ԵՀ կարծիքով, գործարքը մրցակցության որեւէ խնդիր չի առաջացնում, քանի որ ընկերությունները Եվրոպայի տարբեր շուկաներում են գործում, գրում է գործակալությունը։
Ավելի վաղ Bloomberg –ը հայտնել էր, որ 21st Century Fox մեդիահոլդինգը համաձայնություն է ձեռք բերել բրիտանական հեռարձակող ընկերության մնացած բաժնետոմսերը 14․8 մլրդ դոլարով գնելու մասին։