Ստոկհոլմում ձերբակալվածին ահաբեկչության իրականացման մեղադրանք է առաջադրվել
Ստոկհոլմում բեռնատարով մարդկանց բազմության մեջ մխրճվելու դեպքից հետո ձերբակալված կասկածյալին մեղադրանք է առաջադրվել ահաբեկչություն իրականացնելու համար, հայտնում է Շվեդիայի ռադիոն։
«Որքանով հասկանում եմ՝ մարդը, ում առաջադրվել է մեղադրանք, հավանաբար, վարորդն է եղել»,- պարզաբանել է ոստիկանության ներկայացուցիչը։
Լրատվամիջոցների տվյալներով, Ստոկհոլմում հարձակման մեջ կասկածվողը Ուզբեկստանի քաղաքացի է։
Ավելի վաղ Ստակհոլմի ոստիկանությունը հայտնել էր, որ իրավապահները ձերբակալել են կասկածյալներից մեկին։ Ավելի ուշ ձերբակալվել էր նաեւ երկրորդ կասկածյալը։
Հիշեցնենք, որ ապրիլի 7-ին բեռնատարը Ստոկհոլմի կենտրոնում մխրճվել էր մարդկանց բազմության մեջ՝ սպանելով չորս, վնասելով 10 մարդու։