Լուկաշենկո. Ռուսաստանը պատրաստ չէ Բելոռուսի հետ միությանը
Բելոռուսի նախագահ Ալեքսանդր Լուկաշենկոն գտնում է, որ Բելոռուսը եւ Ռուսաստանը դեռ պատրաստ չեն լիարժեք միութենական պետության ձեւավորմանը։
Բելոռուսի առաջնորդը նշել է, որ խոսել ընդհանուր սահմանադրությամբ, ընդհանուր տարադրամով պետության ձեւավորման մասին դեռ չեն կարող։
«Մենք այսօր դրան պատրաստ չենք։ Եւ ոչ այնքան բելոռուսները, որքան ռուսները, ռուսական պետությունը։ Բայց այդ դեպքում պետք է այլ հարցեր լուծել»,– հայտարարել է նա։
Մասնավորապես, Լուկաշենկոն նշել է, որ խոսքը գնում է ձեռնարկությունների զարգացման եւ գործելու հավասար պայմանների, ընդհանուր շուկայի եւ մրցակցության մասին։
Ավելի վաղ հաղորդվել էր, որ Ռուսաստանը եւ Բելոռուսը պայմանավորվածություն են ձեռք բերել գազի գնի շուրջ։