2017-ին ԵՄ-ն Հայաստանին 40-45 մլն եվրո կհատկացնի
2017-ին ԵՎրամիությունը Հայաստանին կհատկացնի 40-45 մլն եվրոյի չափով դրամաշնորհներ։ Այս մասին ապրիլի 7-ին լրագրողներին հայտնել է Հայաստանում ԵՄ պատվիրակության համագործակցության բաժնի ղեկավար Խոա Բին Աճեմյանը։
ԵՄ-ն տարեկան 40-45 մլն եվրո է հատկացնում Հայաստանին, որի կեսը, որպես կանոն, բյուջետային աջակցության համար, իսկ մյուս կեսը՝ նպատակային ծրագրերի։ Վերջին 10 տարիներին աջակցության ծավալը կազմել է մոտ 500 մլն եվրո, հավելել է նա։
«Ընդ որում , ի տարբերություն այլ դոնորների, եթե նրանց այդպես անվանենք, մենք ոչ թե վարկ ենք տալիս, այլ դրամաշնորհ։ Մենք այդ գումարը հետ չենք պահանջում։ Մեր նպատակն է աջակցել Հայաստանի կառավարությանը»,- հայտնել է Աճեմյանը։
news.am