Դեւին Նունյեսը հրաժարվել է Ռուսաստանի հետ Թրամփի շտաբի հնարավոր կապերի հետաքննությունից
ԱՄՆ կոնգրեսի հետախուզության հարցերով հանձնաժողովի նախագահ, հանրապետական Դեւին Նունյեսը հայտնել է, որ ժամանակավորապես հրաժարվում է Ռուսաստանի հետ Դոնալդ Թրամփի նախընտրական շտաբի հնարավոր կապերի հետաքննությունից։
Նունյեսի խոսքով այդ քայլը բացատրվում է նրանով, որ իր դեմ առաջադրվել են մեղադրանքներ ԱՄՆ Կոնգրեսի էթիկայի հարցերով հանձնաժողովի կողմից։ Ընդ որում կոնգրեսականն այդ մեղադրանքներն անհիմն է անվանել։
Ներկայացուցիչների պալատի հետախուզության հարցերով կոմիտեի անդամ դեմոկրատ Ադամ Շիֆը հայտնել է, որ Նունյեսի ինքնաբացարկը հետաքննության նոր մեկնարկի հնարավորություն է տալիս։
Մարտին Նունյեսը հայտնել էր, որ չի տեսել որեւէ ապացույց այն մասին, որ Թրամփի շտաբը կապեր է ունեցել ռուսական կառավարության հետ 2016-ին, նախընտրական քարոզչության ընթացքում։
Ամերիկյան հատուկ ծառայությունները համարում են, որ ռուս հաքերները կոտրել են դեմոկրատների էլեկտրոնային փոստը՝ Հիլարի Քլինթոնին վարկաբեկելու նպատակով։ Իսկ Դոնալդ Թրամփը բազմիցս այդ մեղադրանքները անվանել է «ֆեյքային նորություններ»։
news.am