Եվրախորհրդարանը հունիսի 15-ից ԵՄ-ում կվերացնի ռոումինգի համար վճարը

2017-ճի հունիսի 15-ից ԵՄ ներսում կչեղարկվի ռոումինգի վճարը ու օրենսդրորեն կամրագրվի համացանց մուտք գործելու իրավահավասարությունը։ ԵԽ պատգամավորները ապրիլի 6-ին քվեարկել են այն որոշման օգտին, որը կանոնակարգում է բջջային կապի եվրոպական օպերատորների փոխադարձ հաշվարկները, հայտնում է DW-ն։

Ավելի վաղ Եվրախորհրդարանը հաստատել էր 2016-ի ապրիլի 30-ից ռոումինգի գների զգալի նվազեցման մասին որոշումը։ Հիմա ԵՄ ներսում բջջային հեռախոսից ելման զանգի արժեքը կարող է առավելագույնը 5 ցենտով գերազանցել տեղական օպերատորի սահմանած սակագինը։ Ընդ որում օպերատորն իրավունք ունի սահմանել տվյալ գնով հեռախոսազանգերի տեւողության շրջանակներ ու ամենաէժան սակագնով ՍՄՍ հաղորդագրությունների առավելագույն քանակությունը։

Համացանցի հասանելիության հավասարության մասին օրենքի նպատակն է բացառել բջջային կապի ոլորտում խտրականություններն ու սահմանափակումները։ Դա վերաբերում է թե ծառայություններ մատուցողներին, թե օգտատերերին։ Օրենքն ընդունելու հնարավորությունը առաջացրել է հակագլոբալիստների ու սպառողների իրավունքների պաշտպանների քննադատությունը։ Նրանց կարծիքով նոր պայմաններում խոշոր ամերիկյան ինտերնետային կոնցեռնները, օրինակ Google, Apple –ը կամ Netflix–ը, կարող են ավելի ամրապնդել իրենց դիրքերը ավելի փոքր մրցակիցների ֆոնին։

news.am