Թրամփը խոստացել է ոչնչացնել «Իսլամական Պետությունը»՝ ի պաշտպանություն քաղաքակրթության
ԱՄՆ նախագահ Դոնալդ Թրամփը հայտարարել է, որ Միացյալ Նահանգները եւ նրանց դաշնակիցները կփլուզեն «Իսլամական Հանրապետություն» ահաբեկչական կազմակերպությունը եւ «կպաշտպանեն քաղաքակրթությունը»,– հաղորդում է Reuters-ը։
Այս մասին ամերիկյան առաջնորդը ասել է Հորդանանի թագավոր Աբդալա II-ի հետ մամլո ասուլիսի ժամանակ։
«Մենք կոչնչացնենք ԻՊ–ն, եւ մենք կպաշտպանենք քաղաքակրթությունը։ Մենք այլընտրանք չունենք»,– ասել է նա։
Թրամփը ընդգծել է, որ Հորդանանի թագավորը նույնպես ԻՊ–ի դեմ պայքարող առաջնորդ է, ում նպատակն է զինյալներին «վերջնականապես» ոչնչացնելը։
Մարտին հաղորդվել էր, որ Պենտագոնը Թրամփին ԻՊ–ի դեմ պայքարելու նոր նախագիծ է ներկայացրել։