Ռուս օգտատերերին վախեցնում են Ռուսաստանի ամբողջ տարածքում ծրագրվող ահաբեկչությունների մասին հաղորդագրությունները
Սանկտ Պետերբուրգում տեղի ունեցած ահաբեկչությունից հետո սոցցանցերում ու WhatsApp, Viber ու Telegram մեսենջերներում «ԱԴԾ առաջնաղբյուրից» զանգվածաբար տարածվում են ֆեյքային հաղորդագրություններ՝ երկրի ամբողջ տարածքում ծրագրվող ահաբեկչությունների մասին, հայտնում է Lenta–ն։
Հայտարարությունների մեջ ասվում է, որ Սիրիայում Ռուսաստանի գործողությունների կապակցությամբ երկրի խոշոր քաղաքներում ծրագրվում են մի շարք ահաբեկչություններ, որոնք պետք է իրականացնեն 18 մահապարտներ։ Իսկ հետո թվարկվում են այն բնակավայրերը, որտեղ ԱԴԾ-ն ուժեղացրել է հսկողությունը։
ՏԱՍՍ-ի փոխանցմամբ ուժային գերատեսչություններն ու իրավապահ մարմինները անցել են ծառայության ուժեղացված ռեժիմի։ Սակայն Թաթարստանում ԱԴԾ վարչությունում ապրիլի 4-ին հայտնել են, որ այդ տարածված տեղեկությունները իրականությանը չեն համապատասխանում։ «Հանրապետությունում օպերատիվ իրավիճակը հսկողության տակ է»,- պարզաբանել են վարչության մամուլի ծառայությունից։