Այսօր կեսգիշերին կմարեն Էյֆելյան աշտարակի լույսերը
Էյֆելյան աշտարակի լույսերը կմարեն որպես հարգանքի տուրք ապրիլի 3-ին, Սանկտ–Պետերբուրգի մետրոյում տեղի ունեցած ահաբեկչության զոհերի հիշատակին,– հաղորդում է The Local-ը։
Պարբերականը նշում է, որ Փարիզի քաղաքապետ Անն Իդալգոյին քննադատել են այն բանի համար, որ իշխանությունները չեն մարել լույսերը ահաբեկչության օրը։
«Այսօր կեսգիշերին Փարիզում կմարեն Էյֆելյան աշտարակի լույսերը՝ ի հիշատակ Սանկտ–Պետերբուրգում տեղի ունեցած ահաբեկչության զոհերի»– գրել է Իդալգոն իր Թվիթերում։
Մինչ այդ Էյֆելյան աշտարակը մարել էր լույսերը՝ հարգելու համար Լոնդոնում տեղի ունեցած ահաբեկչության զոհերի հիշատակը։