«Վնուկովո» օդանավակայանում կեղծ նռնակ են հայտնաբերել
Ռուսաստանի փոստի աշխատակիցները Մոսկվայի «Վնուկո» օդանավակայանում կեղծ նռնակով եւ ազդանշանային ատրճանակի զինամթերքներով ծանրոց են հայտնաբերել։ Այս մասին հաղորդում է կազմակերպության մամուլի ծառայությունը։
Մոսկվայից Նորիլսկ ուղարկվելիք զինամթերքները գտել են «Վնուկովո»-ի փոստային բաժնի աշխատակիցները՝ օդանավակայանի ավիացիոն անվտանգության ծառայության հետ համատեղ։ Նրանք փոստային ուղեբեռը ստուգել են զննման հատուկ սարքավորման միջոցով։
«Ծանրոցն առգրավել են Ռուսաստանի Փոստի ծառայության անվտանգության աշխատակիցները։ Դեպքի վայր են կանչել իրավապահ մարմինների աշխատակիցներին, որոնք պետք է որոշեն փոստով ուղարկել չթույլատրվող առարկաների հետագա ճակատագիրը», — ասվում է Ռուսաստանի փոստի մամուլի ծառայության հաղորդագրությունում։