Պլաստիկ իրերը՝ անպտղության պատճառ

Պլաստիկում պարունակվող ֆտալատները կարող են մեղավոր լինել կանանց անպտղության հարցում։ Առայժմ սա ապացուցված է լոկ կրծողների պարագայում, բայց չի բացառվում, որ մարդկանց վրա նույնպես այդ նյութերը կարող են բացասաբար ազդել։

Իլինոյսի համալսարանի գիտնականները էգ կրծողներին ուտելու համար տվել են DiNP կամ DEHP ֆտալատներ 10 օր շարունակ, ինչի արդյունքում տեղի է ունեցել վերարտադրողական ցիկլի խանգարում, եւ 9 ամսով պակասել է սաղմնավորման հավանականությունը։

Ֆտալատները, ինչպես հայտնի է, ավելացվում են պլաստիկի եւ վինիլի մեջ, որպեսզի նյութն ավելի փափուկ, ճկուն եւ երկարատեւ լինի։ Դրանք կարելի է գտնել սննդամթերքում, վինիլային ծածկույթներում, բուժսարքավորումներում եւ կոսմետիկայում։ Հաճախ պլաստիկե տարայի մեջ պահվող սննդի միջոցով այդ նյութերը թափանցում են մարդու օրգանիզմ։

Կենդանիները փորձարկման շրջանակում ստացել են 20 միկրոգրամ չափաբաժնով ֆտալատներ՝ մարմնի մեկ կիլոգրամի համար՝ 200 միլիլիտր։ 10 օր հետո էգերին բերել են արուների մոտ՝ զույգավորման համար։ Երեք ամիս անց էգերի մեկ երրորդը, որն ստացել էր DEHP եւ DiNP ամենաքիչ չափաբաժինը, չի բեղմնավորվել։ Հսկվող խմբում էգերի 95 տոկոսը բեղմնավորվել է։

Կա տեսություն, որի համաձայն՝ ֆտալատները առաջ են բերում ստերոիդ հորմոնների կարգավորման խախտում արգանդի թաղանթում (սաղմը լավ չի կպչում)։ Հնարավոր է, որ ֆտալատներն առհասարակ ավելի արագ են մաշում վերարտադրողական համակարգը։

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել