Պյատիգորսկում երիտասարդների խմբին, որոնց թվում հայեր կան, մեղադրում են խարդախության համար
Ռուսաստանի Դաշնության Պյատիգորսկ քաղաքում ազգությամբ հայ 20-ամյա երիտասարդների խմբին մեղադրում են վարձակալությամբ վերցրած տեխնիկայի վերավաճառքի համար:
«Քսանամյա երիտասարդները Պյատիգորսկ քաղաքում վարձույթով թանկարժեք սարքավորումներ են վերցնում, ապա վերավաճառում դրանք: Տուժածներին հաջողվել է պարզել երիտասարդների հասցեներն ու հեռախոսահամարները, ինչպես նաև նրանց հանցավորությունն ապացուցող փաստեր ներկայացնել: Չնայած դրան՝ ոստիկանությունը չի ցանկանում քրեական գործ հարուցել»,- գրում է life.ru-ն:
Տուժածների խոսքով՝ խարդախների թվում նաև հայկական ծագումով Ռուսաստանի քաղաքացիներ կան՝ Ֆեոդոսի Կևորկովը և Եվգենի Մկրտչյանցը: Վերջինս խմբավորման պարագլուխն է:
Երիտասարդներն իրենց հերթին ժխտել են իրենց հասցեին արված մեղադրանքներն ու Instagram-ում իրենց մասին հոլովակ տեղադրել, որտեղ ռեփ երգ են կատարում: