Պզուկների առաջացման հարցում, հնարավոր է, մեղավորը ժառանգականությունն է

Գիտնականները կատարել են պզուկների հետ կապված աշխարհում առաջին գենետիկ հետազոտությունը։

Բրիտանացի գիտնականները ուսումնասիրել են 26 772 մարդու ԴՆԹ-ն։ Նրանցից 5 602-ը պզուկներ են ունեցել։ Փորձագետներին հաջողվել է զգալի գենետիկ տարբերություններ բացահայտել ակնե ունեցողների եւ հակառակը՝ մաքուր մաշկ ունեցողների միջեւ։

Հաջողվել է նաեւ պարզել, որ ժառանգական շատ համադրումներ, որոնք ազդում են մաշկի վրա, կապված են մազի ֆոլիկուլների առաջացման հետ։ Իսկ, ինչպես հայտնի է, ակնեն ճարպային գեղձերի եւ մազի ֆոլիկուլների հիվանդություն է։

Գիտնականները հուսով են, որ ստացված տեղեկատվությունը կօգնի պզուկների նոր արդյունավետ բուժում գտնել։ Դա շատ կարեւոր է, հաշվի առնելով այն, որ ակնեով տառապող պացիենտների 20 տոկոսի դեմքին, որպես հետեւանք, սպիեր են մնում։ Միաժամանակ, դեմքի պզուկները կարող են ընկճախտի եւ ինքնասպանության մասին մտքերի պատճառ դառնալ։

Հետազոտության արդյունքները տպագրվել են Nature Communications ամսագրում։

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել