Երկվորյակով հղի Ամալ Քլունին շարունակում է հիացնել անթերի ոճով (Լուսանկարներ)

Սովորաբար, հղի ժամանակ կանայք նախընտրում են ոճային և գերժամանակակից երևալու փոխարեն կրել նախևառաջ հարմար ու բնական գործվածքներից կարված հագուստ:

Սակայն ճաշակի և ոճի զգացողության առկայության դեպքում կարելի է հարմարավետությունն ու գեղեցիկ տեսքը համադրել՝ առաջացնելով շրջապատի հիացմունքը:

Ասվածը վերաբերում է հոլիվուդյան հայտնի դերասան Ջորջ Քլունիի կնոջը՝ միջազգային կարգի փաստաբան Ամալ Քլունիին, որը միշտ էլ աչքի է ընկել բարձր ճաշակով ու հայտնի բրենդների հանդեպ մեծ սիրով:

Երեսունիննամյա Քլունին գտնվում է հղիության 5-րդ ամսում: Երկվորյակների սպասող փաստաբանն ակտիվ զբաղվում է աշխատանքով ու ամուսնուն ուղեկցում տարբեր մշակութային միջոցառումների ժամանակ: Բոլոր առիթներին նրբակազմ սևահերը ներկայանում է իրեն բնորոշ գեղեցիկ ու խնամված տեսքով՝ սեփական փորձով ապացուցելով, որ հղիությունն ամենևին էլ չի պարտադրում հրաժարվել նորաձև զգեստապահարանից:

Եվ, ի վերջո, գեղեցիկ լինելը կնոջ ընտրությունն է, որը չի կարող պայմանավորված լինել կյանքի այս կամ այն փուլով:

Ստորև առաջարկում ենք դիտել The Daily Mail-ի պատրաստած ֆոտոշարքը.