D վիտամինն ու ձկան յուղն անարդյունավետ են քաղցկեղի եւ սրտային հիվանդությունների կանխարգելման գործում

D վիտամինը եւ պատիճով Օմեգա-3-ն անարդյունավետ են քաղցկեղի եւ սրտային հիվանդությունների կանխարգելման գործում: Այս մասին հայտնում է The New York Times-ը՝ վկայակոչելով այս ոլորտում խոշորագույն հետազոտությունը:

Նշվում է, որ վերջին տարիներին, ամերիկացիներից շատերի շրջանում նկատվում է D վիտամինով պատրաստուկների եւ ձկան յուղի դեղապատիճների պահանջարկ: Սրան նպաստել են հետազոտությունները, որոնցում նշվում էր, որ D վիտամինն ուղղակիորեն կապված է քաղցկեղի զարգացման հավանականության նվազման հետ, իսկ սննդակարգում ձկան ընդգրկումը՝ սիրտ-անոթային հիվանդությունների կանխարգելման հետ:

Մինչդեռ մեծահասակ մարդու օրգանիզմի վրա Օմեգա-3 չհագեցած ճարպաթթուների եւ D վիտամինի ազդեցության վերաբերյալ պատահական ընտրանքով կատարված նոր հետազոտությամբ հետաքրքիր արդյունքներ են ստացվել: Ըստ այդմ՝ դրանք մեծահասակ բնակչության շրջանում քաղցկեղով հիվանդացության մակարդակը չեն նվազեցնում, ինչպես նաեւ չեն ազդում սիրտ-անոթային հիվանդությունների, կաթվածների, սրտի նոպաների, ինչպես նաեւ սիրտ-անոթային հիվանդությունների հետեւանքով մահացության նվազեցման վրա:

Հետազոտությունը հրապարակվել է The New England Journal of Medicine ամսագրում:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել