Բողոքի ակցիաներ Իրանի 10 քաղաքներում. Հասան Ռոհանիին մեկ ամիս ժամանակ են տվել

Իրանում ձերբակալում են այն ակտիվիստներին, ովքեր արդեն երեք օր է բողոքի ակցիաներ են անցկացնում ընդդեմ երկրում տիրող սոցիալական վիճակի:

Իրանի 10 խոշորագույն քաղաքներում օգոստոսի 1-ից լայնածավալ բողոքի ակցիաները կառավարությունը որակել է անօրինական եւ գործի դրել իրավապահներին՝ նրանց գործողությունները կանխելու համար: Այս մասին հաղորդում է IRNA գործակալությունը

Օգոստոսի 1-ից Իրանի բոլոր խոշոր քաղաքներում հարյուրավոր մարդիկ փողոց են դուրս եկել կառավարությունից պահանջելով քայլեր ձեռնարկել երկրում թափ առնող գործազրկությունն ու թանկացումները կանխելու ուղղությամբ: Որոշ քաղաքներում ցույցերի ժամանակ տեղի են ունեցել բախումներ, գործադրվել է արցունքաբեր գազ:

Բողոքի ակցիայի անցկացման հիմնական պատճառը ազգային արժույթի կտրուկ անկումն է, որի հետեւանքով աճել է գործազրկության թիվը:

Վերջին օրերին, սեւ շուկայում, իրանական ռեալը ամերիկական դոլարի նկատմամբ հասել է ռեկորդային սանդղակի ՝ 120 հազարի ռեալ՝ մեկ դոլարի դիմաց. Մինչդեռ, մայիսի վերջին, մեկ դոլարն արժեցել է 65 հազար ռեալ:

Այս գործընթացները երկրում առաջացրել են ինֆլյացիա, կտրուկ աճել են սպառողական մթերքների ու վառելիքի գները:

Իրանի խորհրդարանի պատգամավորները երկրի նախագահ Հասան Ռոհանիին մեկ ամիս ժամանակ են տվել հստակեցնելու համար, թե ինչ քայլեր է ձեռնարկում այս տնտեսական ճգնաժամից դուրս գալու համար:

Այս թեմայով Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում Վելայաթի. Բեյրութի հարցում սխալ հաշվարկը սպառեց համբերությունը․ Հրամանը տրված է, «X» ժամը մոտենում է Փեզեշքիանը հրաժարական չի տվել. «Tasnim»