Մինսկի խմբի համանախագահները Ալիեւին կոչ են արել խուսափել սադրիչ հռետորաբանությունից

ԵԱՀԿ Մինսկի խմբի համանախագահները հուլիսի 11-ին Հայաստանի և Ադրբեջանի արտաքին գերատեսչությունների ղեկավարների՝ Բրյուսելում կայացած հանդիպման արդյունքով հանդես են եկել համատեղ հայտարարությամբ, որում նշել են հակամարտության գոտում լարվածության թուլացման և սադրիչ հռետորաբանությունից խուսափելու անհրաժեշտությունը:

Չորեքշաբթի օրը Բրյուսելում առաջին անգամ հանդիպել են Հայաստանի արտաքին գործերի նախարար Զոհրաբ Մնացականյանը և Ադրբեջանի արտաքին գործերի նախարար Էլմար Մամեդյարովը: Այդ հանդիպմանը մասնակցել են նաև ՄԽ համանախագահները:

«ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ) հուլիսի 11-ին Բրյուսելում հանդիպեցին Հայաստանի արտգորնախարար Զոհրաբ Մնացականյանի և Ադրբեջանի արտգործնախարար Էլմար Մամեդյարովի հետ: Հանդիպմանը ներկա էր նաև ԵԱՀԿ նախագահի անձնական ներկայացուցիչ Անջեյ Կասպշիկը»,- իրենց հայտարարության մեջ նշում են միջնորդներն ու արձանագրում՝ «Սա Ադրբեջանում և Հայաստանում կայացած ընտրություններից հետո այս ձևաչափով առաջին բարձր մակարդակի հանդիպումն էր»:

Ըստ համանախագահների, նախարարները մտքեր են փոխանակել առկա իրադրության շուրջ, քննարկել հետագա քայլերը: Միջնորդները վերահաստատել են իրենց հանձնառությունը՝ աջակցել կողմերին հիմնախնդրի խաղաղ կարգավորման լուծումը գտնելու հարցում, որը հիմնված կլինի Հելսինկյան եզրափակիչ ակտի հիմնարար սկզբունքների, այդ թվում՝ ուժի ու ուժի սպառնալիքի չկիրառման, տարածքային ամբողջականության, ժողովուրդների հավասար իրավունքների ու ինքնորոշման վրա: «Նախարարները համաձայնեցին համանախագահների հովանու ներքո մոտ ապագայում կրկին հանդիպել»,- նշված է հայտարարությունում:

Այս թեմայով Որքա՞ն ժամանակ կպահանջվի՝ արցախցիներին բնակարանով ապահովելու համար․ Գեղամ Նազարյան Ադրբեջանի մշակութային ցեղասպանության հերթական զոհն է դարձել ազգային գործիչ Ալեք Մանուկյանի արձանը Այսօր Արցախյան շարժման 36-ամյակն է «Արցախի կորուստ, համազգային ճգնաժամ. գոյապայքար ՀՀ պետականության համար». կայացել է «Հայ դատն այսօր» 15-րդ խորհրդաժողովը Ստեփանակերտին մերձակա վառելիքի պահեստի պայթյունից զոհվել է 218, վիրավորվել 120, անհետ կորել 21 մարդ