Թուրքիայի նախագահի թեկնածու Փերինչեքը հայտարարել Է, որ իր հաղթելու դեպքում երկիրը դուրս կգա ՆԱՏՕ-ից
Թուրքիայի նախագահի թեկնածու, «Հայրենիք» («Vatan») կուսակցության առաջնորդ Դողու Փերինչեքը ՌԻԱ Նովոստիին տված հարցազրույցում հայտարարել Է, որ երկիրը դուրս կգա ՆԱՏՕ-ից, եթե ինքն ընտրվի պետության բարձրագույն պաշտոնում, տեղեկացնում Է «Արմենպրես»-ը:
«ՆԱՏՕ-ն ի դեմս Թուրքիայի թշնամու Է տեսնում, թեեւ Թուրքիան նրա անդամն Է: Հենց վերջերս դաշինքն անցկացրել Է վարժանքներ, որտեղ Աթաթյուրքը եւ Թուրքիայի գործող նախագահը ներկայացված Էին որպես մարտական թիրախներ: ԱՄՆ-ը օգնում Է ահաբեկչական քրդական խմբավորումներին, զենք Է մատակարարում նրանց, ուստի Թուրքիան եւ ԱՄՆ-ը արդեն այժմ ոչ բարեկամական հարաբերությունների մեջ են: Երբ մենք իշխանության գանք, Թուրքիան դուրս կգա ՆԱՏՕ-ից, ամերիկյան ինքնաթիռներն Ինջիռլիկի ավիաբազայից կմեկնեն տուն, իսկ բազան ամբողջովին կանցնի թուրք զինվորականների հսկողության ներքո, եւ Թուրքիայում ամերիկյան ոչ մի ռազմական ներկայություն չի մնա»,-ասել Է Փերինչեքը:
Նրա խոսքով՝ ԱՄՆ-ը, Իսրայելը, Հունաստանը եւ Կիպրոսը ԱՄՆ-ի վեցերորդ նավատորմի մասնակցությամբ մարտին զորավարժություններ են անցկացրել արեւելյան Միջերկրականում, որոնք ուղղված Էին Թուրքիայի դեմ: «Ես դա գնահատում եմ որպես մեծ վտանգ Թուրքիայի համար, եւ այդ կապակցությամբ Ռուսաստանի, Սիրիայի, Իրանի եւ Իրաքի հետ մեր բարեկամությունը գերակա Է… ԱՄՆ-ն սկսել Է սպառնալ Իրանին, դուրս Է եկել միջուկային գործարքից եւ սպառնում Է պատժամիջոցներով: Երկյուղներ կան, որ ԱՄՆ-ը Երուսաղեմի պատճառով բռնկած հրդեհը բորբոքելուց հետո ռմբակոծումների կենթարկի Իրանը»,-նշել Է գործակալության զրուցակիցը: Ընդ որում, ինչպես կարծում Է Փերինչեքը, Իրանի հասցեին ԱՄՆ-ի սպառնալիքներն ավելի շատ ուղղված են Թուրքիայի դեմ: «Միացյալ Նահանգների գլխավոր նպատակը հենց մենք ենք: Ինչու Է Ամերիկան նյարդայնանում: Թուրքիան դուրս Է եկել Ամերիկայի հսկողությունից, շարժվել Է դեպի Եվրասիա, գործում Է ՌԴ-ի եւ Իրանի հետ համատեղ, ինչը փոխել Է ուժերի դասավորությունը ամբողջ մերձավորարեւելյան տարածաշրջանում, խարխլել Է ԱՄՆ-ի գերիշխանությունը: Ուստի նրանք փորձում են ստեղծել սպառնալիքներ, որպեսզի Թուրքիային հետ պահեն Իրանի եւ Ռուսաստանի հետ դաշինքից»,-հայտարարել Է Թուրքիայի նախագահի թեկնածուն: Նա հավելել Է, որ «ԱՄՆ-ի մոտ ոչինչ չի ստացվի, որովհետեւ այսուհետեւ Թուրքիայի դարձը դեպի Ատլանտիկա, անհնարին Է, նրա իսկական տեղը Եվրասիան Է՝ ՌԴ-ի, Իրանի, Չինաստանի, Հնդկաստանի, Միջին Ասիայի երկրների հետ միասին»:
Թուրքիայի վաղաժամկետ նախագահական ընտրությունները նշանակված են հունիսի 24-ին:
Արվեստանոց՝ սեփական գյուղում
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Խամենեիի գտնվելու վայրը գաղտնի է պահվում՝ անվտանգությունից ելնելով
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին