Թուրքիայում գրանցվել է նախագահի 6 թեկնածու

Թուրքիայի կենտրոնական ընտրական հանձնաժողովը վավերացրել է նախագահության 6 թեկնածուների գրանցումը, ովքեր հունիսի 24-ին կպայքարեն երկրի ղեկավարի պաշտոնում ընտրվելու համար: Այդ մասին տեղեկացրել է «Ռեսմի գազեթե» կառավարական տեղեկատուն:

Թեկնածուները պարտավոր էին առաջադրվելու դիմումներին կից ներկայացնել առնվազն 100 հազար քաղաքացիների ստորագրություններ:

Ըստ Թուրքիայի կենտրոնական ընտրական հանձնաժողովի, նախագահության թեկնածուներ են գրանցվել գործող նախագահ Ռեջեփ Թայիբ Էրդողանը (Արդարություն և զարգացում, Ազգայնական շարժում կուսակցություններ), Մուհարեմ Ինջեն (Ժողովրդական-հանրապետական կուսակցույուն), Դողու Փերինչեկը (Բանվորական կուսակցություն), Մերալ Ակշեները (Լավ կուսակցություն), Թեմել Քարամալաօղլուն (Բարգավաճման կուսակցություն) և Սելահաթին Դեմիրթաշը (Ժողովուրդների դեմոկրատիայի կուսակցություն):

Արդարության կուսակցության ղեկավար Վեջեթ Օզը նույնպես դիմում է ներկայացրել, սակայն 100 հազար ստորագրություն դեռ չի ապահովել:

Թուրքիայում արտահերթ խորհրդարանական և նախագահական ընտրությունները տեղի կունենան հունիսի 24-ին՝ 2019 թվականին նախատեսված ժամկետից ավելի քան մեկ և կես տարի շուտ:

Ընտրություններից հետո ուժի մեջ կմտնեն սահմանադրական լրամշակումները, որոնցով երկրում կհաստատվի կառավարման նախագահական համակարգ:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին