Ադրբեջանում ամաչում են, որ տարածաշրջանի միակ բռնապետն իրենց ղեկավարն է
Ադրբեջանում ամաչում են, որ տարածաշրջանի միակ բռնապետն իրենց ղեկավարն է, Կոնգրեսի Հելսինկյան կոմիտեում կայացած լսումների ընթացքում հայտարարել է ադրբեջանցի լրագրող, «Մեյդան» հեռուստաընկերության տնօրեն Էմին Միլլին, հաղորդում է «Ամերիկայի ձայնը»:
«Մենք ամաչում ենք, որ այսօր Կովկասում մենք միակ երկիրն ենք, որը չի կարողացել ձերբազատվել հանցավոր բռնապետից, որը զավթել է իշխանությունը»:
Հայաստանի «թավշյա հեղափոխությունը» հայերին աննախադեպ թռիչք ապահովեց՝ թողնելով Ադրբեջանը բռնապետությունների շարքում, որտեղ ավանդական են ընտրակեղծարարությունները, ընդդիմադիրների խոշտանգումներն ու լրագրողների նկատմամբ ճնշումները: Վերլուծաբան Օդրի Ալսթադի խոսքով, այդ ամենն Ադրբեջանում արվում է թաքուն, իսկ արտաքնապես այլ պատկեր են.
«Ադրբեջանում մենք տեսնում ենք արտաքնապես ժողովրդավարություն, որը չունի բովանդակություն: Ռեժիմն օգտագործում է ժողովրդավարություն եզրույթը, սակայն, իրականում, ստեղծել է իր կատարյալ վերահսկողության տակ գտնվող համակարգ: Իրականում, սա ժողովրդավարության հակառակն է»:
Ավելին, լսումների մասնակիցները նշում են բազմաթիվ հետաքննություններ, որոնք վկայում են Ադրբեջանի ղեկավարության կողմից արտերկրի քաղաքական գործիչներին, փորձագետներին եւ լրագրողներին կոռումպացնելու փաստերի մասին: Ուստի, եզրակացնում է Էմին Միլլին, Իլհամ Ալիեւը վնասում է ոչ միայն սեփական ժողովրդին այլեւ՝ Արեւմուտքի ժողովրդավարությանը.
«Կարծում եմ ժամանակն է, որպեսզի Միացյալ Նահանգների Կոնգրեսը հատուկ հետաքննություն նախաձեռնի՝ պարզելու համար, թե արդյոք Ալիեւի վարչակարգը կոռումպացնում է ԱՄՆ-ում քաղաքական գործիչների, լրագրողների կամ փորձագետների»:
Ընդհանրապես, ընդգծում է Օդրի Ալսթադը, բռնապետական ռեժիմները ժողովրդավար պետությունների վստահելի գործընկերներ չեն դառնում.
«20-րդ դարի դասերից մենք սովորել ենք, որ համակարգերը որոնք անձանց, մարդու իրավունքների նկատմամբ ճնշումներ են իրագործում, կարող են լավ գործընկերներ թվալ, սակայն, իրականում դրանք վստահելի չեն, ուստի՝ վատ գործընկերներ են»:
Արվեստանոց՝ սեփական գյուղում
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Խամենեիի գտնվելու վայրը գաղտնի է պահվում՝ անվտանգությունից ելնելով
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը
Դավիթ Թադևոսյանը մրցանակներ է հանձնել Միկրոէլեկտրոնիկայի ամենամյա միջազգային օլիմպիադայի հաղթողներին