Թուրքիայում ցանկանում են արգելել նարգիլե-սրճարանների գործունեությունը

Թուրքիայի խորհրդարանին կից Վնասակար նյութերի հանդեպ կախվածության ուսումնասիրման կանխարգելման հանձնաժողովը պատրաստվում է խորհրդարանին առաջարկել երկրում նարգիլեների վաճառքով զբաղվող առանձին սրճարանների գործունեությունն արգելող օրենքի նախագիծ։

Ինչպես գրում է թուրքական «Բիրգյուն» պարբերականը, նախագծի հեղինակները պահանջում են սահմանել նույն սահմանափակումներն ու պատժամիջոցները, որոնք գործում են ծխախոտի՝ որոշ վայրերում ու քաղաքացիների հստակ խմբին վաճառելու հետ կապված։

Բացի այդ՝ պահանջվել է, որպեսզի անչափահասների շրջանում ծխախոտի ու թմրամիջոցների օգտգագործումը վերահսկելու համար հատուկ պատրաստություն անցնեն տարածքային վերահսկողության իրավասու անձերը, օրինակ՝ թաղային ոստիկանները։

Նախագիծն առաջարկում է նաև առավել մեծ ուշադրություն հատկացնել ծխելու դեմ պայքարին կրթական համակարգում՝ թեման դպրոցական դասագրքերում ներառելով։