«էրզրումցի. այս հայրենիքը մերն է». Ստամբուլի «Սուրբ Թագավոր» հայկական եկեղեցին՝ ազգայնականների թիրախում

Ստամբուլի Քադըքյոյ վարչական շրջանում գտնվող «Սուրբ Թագավոր» հայկական եկեղեցին ազգայնականների թիրախում է հայտնվել: Անհայտ անձը եկեղեցու մուտքի մոտ աղբաման է դատարկել, իսկ շենքի պատին էլ գրել՝ «էրզրումցի. այս հայրենիքը մերն է», հաղորդում է «Ազատությունը»:

«Ակօս» պարբերականի հաղորդմամբ, եկեղեցու անվտանգության տեսախցիկների տեսագրությունների ուսումնասիրությունից պարզ է դարձել, որ եկեղեցու մուտքը աղտոտած և պատին գրություն թողած անձը նախորդ օրը ներկա է եղել կիրակնօրյա պատարագին՝ իր պահվածքով խանգարելով արարողության ընթացքը:

Տեսագրությունները փոխանցվել են ոստիկանությանը, դեպքի առնչությամբ հետաքննություն է սկսվել: Քադըքյոյի թաղապետարանը, դատապարտելով տեղի ունեցածը, հրահանգել է անմիջապես մաքրել եկեղեցու շրջակայքը:

Լուրեր Հայաստանից - NEWS.am

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին