Թուրքիայում արտակարգ դրության ռեժիմը երկարաձգվել է ևս 3 ամսով
Թուրքիայի խորհրդարանը ձայների մեծամասնությամբ ընդունել և հաստատել է երկրում արտակարգ դրության ռեժիմի ևս երեք ամսով երկարաձգման մասին որոշումը, հաղորդում է DHA գործակալությունը:
2016 թվականի հուլիսի 15-ին տեղի ունեցած ռազմական հեղաշրջման փորձից ի վեր երկրում սահմանված արտակարգ դրությունը երկարացվում է արդեն 7-րդ անգամ:
Հայտնի է, որ առաջարկին կողմ են քվեարկել իշխող «Արդարություն և զարգացում» կուսակցության ու նրա կոալիցիոն գործընկեր «Ազգային շարժում» կուսակցության պատգամավորները:
Ընդդիմադիր Ժողովրդահանրապետական և Ժողովրդադեմոկրատական կուսակցությունները դեմ են արտահայտվել արտակարգ դրության երկարաձգմանը:
Օրեր առաջ Թուրքիայի գլխավոր ընդդիմադիր ուժը համարվող Ժողովրդահանրապետական կուսակցությունը նստացույց է անցկացրել Ստամբուլի կենտրոնական Թաքսիմ հրապարակում՝ բողոքելով երկրում արտակարգ դրության ռեժիմի հնարավոր երկարաձգման դեմ:
Հիշեցնենք, որ 2016-ի հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալությունները երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել է արտակարգ դրություն:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին