Իրանի նախագահը հեռախոսազրույց է ունեցել Ասադի հետ

Իրանի նախագահ Հասան Ռոհանին Սիրիայի նախագահ Բաշար Ասադի հետ հեռախոսազրույցում վճռականորեն դատապարտել է Միացյալ Նահանգների, Մեծ Բրիտանիայի եւ Ֆրանսիայի ագրեսիան Սիրիայի դեմ, հաղորդում է սիրիական պետական ՍԱՆԱ գործակալությունը։

Ռոհանին հաստատել է Սիրիայի եւ նրա ժողովրդի նկատմամբ Իրանի մշտական դիրքորոշումը՝ վստահություն հայտնելով, որ այս ագրեսիան չի թուլացնի Սիրիայի ժողովրդի վճռականությունն ահաբեկչության դեմ պայքարում։ Իր հերթին Ասադը Ռոհանիին պատմել է ագրեսիայի մանրամասները եւ այն մասին, թե ինչպես են պատասխանել հարվածին՝ ընդգծելով, որ այս ամենը տեղի է ունեցել այն բանից հետո, երբ «արեւմտյան գաղութատիրական ուժերը՝ ահաբեկչության հովանավորները հասկացել են, որ կորցրել են վերահսկողությունը եւ միեւնույն ժամանակ զգացել են, որ կորցրել են իրենց ժողովուրդների եւ ամբողջ աշխարհի վստահությունը»: Նա նշել է նաեւ, որ այս ագրեսիան տեղի է ունեցել նաեւ այն բանից հետո, երբ ահաբեկիչները չկարողացան հասնել իրենց չարագուշակ նպատակներին։

Այս թեմայով Իրանի նախագահ. Թույլ չենք տա օտարերկրացիներին պառակտում սերմանել Իրանը և եվրոպական եռյակի երկրներն ավարտել են միջուկային խնդրի շուրջ բանակցությունների հերթական փուլը Իրանի նախագահը Հայաստան կայցելի օգոստոսի 18-21-ը Մենք չենք ընդունի սահմանների որևէ փոփոխություն. Աբաս Արաղչի Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի