Ռուսաստանը թիվ մեկ սպառնալիքն է. MI-5-ի ղեկավար
Միացյալ Թագավորության հակահետախուզության և ներքին անվտանգության MI5 ծառայության ղեկավար Քեն Մաքքալումը հայտարարել է, որ օտարերկրյա պետությունների սպառնալիքներին դիմակայելիս իր ղեկավարած կառույցն այժմ ավելի շատ ռեսուրսներ է ծախսում, քան Սառը պատերազմի տարիներին։ Նա Ռուսաստանին անվանել է «թիվ մեկ ագրեսոր»։
Լոնդոնում՝ MI5-ի կենտրոնակայանում, ամենամյա ելույթի ժամանակ Մաքքալումն ասել է, որ վերջին տարիներին օտարերկրյա պետությունների հետ կապված սպառնալիքների ծավալն աճել է չորս անգամ։ Նրա խոսքով՝ այդ սպառնալիքներին հակազդելու ուղղությամբ MI5-ի գործողություններն այժմ ծավալով բավականին մոտ են ահաբեկչության դեմ իրականացվող գործողություններին։
Մաքքալումի գնահատմամբ՝ Ռուսաստանը հիբրիդային պատերազմի շրջանակում փորձում է խուսափել այնպիսի գործողություններից, որոնք կարող են հանգեցնել ՆԱՏՕ-ի անդամ երկրների միասնական պատասխանի։ «ՆԱՏՕ-ի այդ սահմանը հատելը Ռուսաստանի համար մեծ հիմարություն կլիներ», - նշել է MI5-ի ղեկավարը։ Նրա խոսքով՝ ՆԱՏՕ-ի հետ բացահայտ ռազմական բախման գնալու փոխարեն Ռուսաստանը փորձում է ապակայունացնել եվրոպական երկրները։
Մաքքալումը նաև հայտարարել է, որ բրիտանական հակահետախուզության կողմից ռուս լրտեսների բացահայտումն ու արտաքսումը դժվարացրել են Ռուսաստանի հետախուզական ցանցերի աշխատանքը։ Նրա խոսքով՝ դրա հետևանքով Մոսկվան ավելի հաճախ է փորձում իր առաջադրանքները կատարելու համար ներգրավել կողմնակի անձանց, այդ թվում՝ հանցագործների։
«Ուկրաինա ներխուժումից հետո գրեթե հազար մարդու արտաքսման շնորհիվ Կրեմլի ավանդական գաղտնի ցանցը զգալիորեն թուլացել է, և նրա հնարավորությունները համաշխարհային մակարդակով նվազել են։ Այդ պատճառով տեսնում ենք, որ նրանք դիմում են հանցագործների վարձելուն՝ իրենց հանձնարարությունները կատարելու համար», - ասել է MI5-ի ղեկավարը։
Նա հավելել է. «Մեծ տերությունները, որոնք ռազմավարական առավելություն ունեն մյուսների նկատմամբ, այդպես չեն վարվում»։


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Երևանի և երկու մարզի մի շարք հասցեներում
Վթարային ջրանջատում Վայք քաղաքում