Եվրախորհրդարանի շվեդ պատգամավորը այցելում է Լեռնային Ղարաբաղ
Լեռնային Ղարաբաղ է այցելում Եվրախորհրդարանի շվեդ պատգամավոր Լարս Ադակտուսոնի գլխավորած պատվիրակությունը։
Ըստ Ղարաբաղի նախագահի պաշտոնական կայքէջի, պատվիրակությանը երեկ ընդունել է Լեռնային Ղարաբաղի նախագահ Բակո Սահակյանը։
Կողմերը քննարկել են Լեռնային Ղարաբաղ-Եվրոպա կապերին վերաբերող մի շարք հարցեր: Հատուկ ուշադրություն է դարձվել խորհրդարանական փոխգործակցության զարգացմանը:
Բակո Սահակյանը նշել է, որ Լեռնային Ղարաբաղում շահագրգռված են Եվրոպական խորհրդարանի և եվրոպական այլ կառույցների հետ հարաբերությունների խորացմամբ ու ընդլայնմամբ՝ հավելելով, որ դա ԼՂ արտաքին քաղաքականության գերակա ուղղություններից մեկն է:
Այսօր շվեդ պատգամավորի գլխավորած պատվիրակությանն ընդունել է Ղարաբաղի արտաքին գործերի նախարար Մասիս Մայիլյանը։
Հանդիպման ընթացքում արտաքին գործերի նախարարը ներկայացրել է Լեռնային Ղարաբաղի արտաքին քաղաքականության առաջնահերթությունները, մասնավորապես՝ Ղարաբաղի միջազգային ճանաչման և ադրբեջանա-ղարաբաղյան հակամարտության խաղաղ կարգավորման գործընթացներում առաջընթացի ձեռքբերմանն ուղղությամբ ձեռնարկվող քայլերը։
Անդրադառնալով ԼՂ պետականաշինության գործընթացում առկա ձեռքբերումներին՝ ԱԳՆ ղեկավարն ընդգծել է Ղարաբաղի ժողովրդի և իշխանությունների հավատարմությունը ժողովրդավարական արժեքների հիման վրա անկախ պետականության ամրապնդմանը։
Այս համատեքստում Մասիս Մայիլյանը վերահաստատել է ԼՂ պատրաստակամությունը ԵՄ հետ համագործակցության հարցում՝ ուղղված Լեռնային Ղարաբաղում ժողովրդավարական ինստիտուտների ամրապնդմանը։
Արտաքին քաղաքական գերատեսչության ղեկավարը համոզմունք է հայտնել, որ ԵՄ համագործակցությունը Լեռնային Ղարաբաղի հետ իր ներդրումը կունենա տարածաշրջանում խաղաղության ու կայունության ամրապնդման գործում, քանի որ կցուցադրի Ղարաբաղի մեկուսացմանն ուղղված Ադրբեջանի քաղաքականության անթույլատրելիությունը՝ որպես հակամարտության կարգավորման միջոց։
Ադրբեջանի մշակութային ցեղասպանության հերթական զոհն է դարձել ազգային գործիչ Ալեք Մանուկյանի արձանը
Այսօր Արցախյան շարժման 36-ամյակն է
«Արցախի կորուստ, համազգային ճգնաժամ. գոյապայքար ՀՀ պետականության համար». կայացել է «Հայ դատն այսօր» 15-րդ խորհրդաժողովը
Ստեփանակերտին մերձակա վառելիքի պահեստի պայթյունից զոհվել է 218, վիրավորվել 120, անհետ կորել 21 մարդ
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...