Թուրքիան նոր պատերազմ սկսեց Սիրիայում
Անկարան փաստացի սկսել է սիրիական Աֆրինում ԱՄՆ-ի աջակցությունը վայելող քրդական խմբավորումների դեմ ռազմական գործողությունները: Այսօր այս մասին հայտարարել է Թուրքիայի պաշտպանության նախարար Նուրեթին Չանիքլըն: Վերջինիս խոսքով՝ Թուրքիան այլընտրանք չունի և պետք է մաքրի իր սահմանները ահաբեկչական տարրերից:
«Աֆրինի ազաատագրումը Թուրքիայի համար առաջնահերթություն է»,- հավելել է թուրք նախարարը՝ հրաժարվելով հավելյալ տեղեկություններ ներկայացնել ռազմական գործողությունների ընթացքի և դրանց մասնակցող ուժերի մասին: Միացյալ Նահանգների աջակցությունը վայելող քրդական խմբավորումները հաստատել են, որ անցած գիշեր թուրքական զինուժը սկսել է ակտիվորեն գնդակոծել Աֆրինի շրջանը: Քրդական ուժերի ներկայացուցիչը «Ռոյթերզի» հետ զրույցում հայտարարել է, թե «ամենայն խստությամբ» են պատասխանելու Աֆրինի վրա հարձակման ցանկացած փորձի:
Աֆրինում Անկարայի նախաձեռնած ռազմական գործողությունները ՆԱՏՕ-ի անդամ երկու դաշնակից պետությունների՝ Թուրքիայի և ԱՄՆ-ի միջև լուրջ հակասությունների տեղիք են տվել: Վաշինգտոնն Անկարային կոչ է արել հետ կանգնել Սիրիայում քրդերի դեմ ռազմական գործողությունների ծրագրից: «Անկարան պետք է շարունակի կենտրոնանալ «Իսլամական պետություն» ահաբեկչական խմբավորման դեմ պայքարի վրա»,- հայտարարել է ԱՄՆ պետքարտուղարության խոսնակ Հիթեր Նաուերթը:
Մինչդեռ Թուրքիայի դիվանագիտական գերատեսչության ղեկավար Մևլութ Չավուշօղլուն երեկ ասել է, թե Սիրիայի հարցում Անկարան դաշնակից Վաշինգտոնին չի վստահում: Ավելին՝ Չավուշօղլուի խոսքով, Թուրքիան մտադիր է Սիրիայի քրդաբնակ շրջաններում ռազմական գործողությունները համակարգել Մոսկվայի և Թեհրանի ներկայացուցիչների հետ:
Սիրիայի հյուսիսում գտվող Աֆրին քաղաքում քրդական ստորաբաժանումների դեմ ռազմական գործողություններ սկսելու մտադրության մասին թուրքական իշխանությունները հայտարարեցին այն բանից հետո, երբ հայտնի դարձավ, որ ԱՄՆ-ը պատրաստվում է սիրիական այդ շրջանում 30 հազարանոց սահմանապահ ուժեր տեղակայել, բաղկացած՝ առավելապես քրդական ջոկատների անդամներից:
Քրդերը թուրքերից հետ են վերցրել Ռաս էլ Այն քաղաքը
Թուրքիան Սիրիայի հարցով գագաթնաժողով է կազմակերպում
Պուտինն ու Էրդողանը հեռախոսով քննարկել են ոչ թե Արցախի, այլ Սիրիայի հարցը
Թուրքական բանակը լուրջ կորուստներ է ունեցել Սիրիայի հյուսիսում
Էրդողանն ասել է, որ գրոհը համաձայնեցված է եղել Մոսկվայի հետ
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ինչպիսի եղանակ է սպասվում այսօր
Մինիոնները վերադառնում են
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մոռացված աստվածների զոհը. Գերմանիայում գտել են տղամարդու աճյուն՝ դաժան ծեսի հետքերով
Դարվինի հանելուկը, որի շուրջ 160 տարի գլուխ էին կոտրում, վերջապես պատասխան ստացավ
Էլեկտրաէներգիայի անջատումներ Երևանի 8 վարչական շրջաններում և 9 մարզերում